Krahu ukrainas i një organizate terroriste të ekstremit të djathtë, e ndaluar ndërkombëtarisht, me lidhje të dyshuara me Rusinë, pretendon përfshirje në vrasjen e një oficeri të inteligjencës në Kiev. Në fund të javës së kaluar, një agresor me maskë qëlloi dhe vrau Kolonelin Ivan Voronych, të shërbimit të sigurisë së Ukrainës SBU, ndërsa ai po kalonte nëpër një parking në Kiev, në mes të ditës. Pamjet tronditëse të vrasjes qarkulluan në mediat ukrainase dhe shkaktuan trazira mes banorëve në kryeqytet. Për muaj të tërë, Baza, i themeluar në SHBA dhe me një rrjet qelizash në të gjithë botën, ka ofruar para për mbështetësit ose personat e gatshëm për të kryer vrasje të shënjestruara dhe sulme mbi infrastrukturën kritike të Ukrainës, që përkon me akuzat se themeluesi i saj amerikan, Rinaldo Nazzaro, ishte një spiun i Kremlinit. Autoritetet ukrainase kanë paralajmëruar gjithashtu javët e fundit për operacione të ngjashme të inteligjencës ruse që paguajnë fshehurazi qytetarë të panjohur për të kryer akte sabotazhi në vend.