Shpërthime plazme që grumbullohen mbi njëra-tjetrën, erë diellore që fryn me përsosmëri...imazhet më të afërta të Diellit tonë janë një minierë ari për shkencëtarët. Të kapura nga Sonda Diellore Parker gjatë afrimit të saj më të afërt me yllin tonë duke filluar më 24 dhjetori 2024, imazhet u publikuan së fundmi nga NASA dhe pritet të thellojnë kuptimin tonë të motit hapësinor dhe të ndihmojnë në mbrojtjen nga kërcënimet diellore ndaj Tokës. Shkencëtarët thonë se e kanë pritur këtë moment që nga fundi i viteve 50-të. Anijet kozmike të mëparshme e kanë studiuar Diellin, por nga shumë më larg. Parker u lançua në vitin 2018 dhe është emëruar sipas fizikantit të ndjerë Eugene Parker, i cili në vitin 1958 teorizoi ekzistencën e erës diellore, një rrjedhë e vazhdueshme grimcash të ngarkuara elektrikisht që përhapen nëpër sistemin diellor. Sonda kohët e fundit hyri në orbitën e saj të fundit ku afrimi i saj më i afërt e çon atë vetëm 3.8 milion milje larg sipërfaqes së Diellit, një moment historik i arritur për herë të parë në prag të Krishtlindjeve 2024 dhe i përsëritur dy herë që atëherë në një cikël 88-ditor.