Ushtria koreanojugore tha se kishte ngritur në fluturim avionët e saj luftarakë, pasi dy avionë kinezë dhe katër avionë ushtarakë rusë hynë në zonën e saj të mbrojtur ajrore, një zonë më të gjerë se hapësira ajrore e vendit. Avionët kinezë dhe rusë hynë dhe dolën nga zona e identifikimit ajror të koresë së jugut, në detin lindor, të njohur edhe si deti i japonisë – tha shtabi i përgjithshëm i ushtrisë së seulit. “Por, nuk kishte shkelje të hapësirës ajrore – shtoi ushtria ndërkohë që avionët u identifikuan dhe u morën masat e nevojshme. Koreja e jugut ngriti avionët e forcës së saj ajrore për ti paralajmëruar avionët rusë dhe kinezë. Zona e identifikimit ajror ëhstë një zonë më e gjerë se hapësira ajrore e një vendi në të cilën ai përpiqet të kontrollojë avionët për arsye sigurie, por koncepti nuk është i përcaktuar në ndonjë marrëveshje ndërkombëtare. Zëdhënësja e ministrisë së jashme kineze e cilësoi incidentin si një aktivitet rutinë fluturimi. Kina dhe Rusia janë aleatë tradicionalë të Koresë së Veriut dhe Uashingtoni paralajmëroi muajin e kaluar se lidhjet ushtarake mes Penianit dhe Moskës po forcohen dhe po bëhen të rrezikshme. SHBA i ka kërkuar ndërkohë pekinit, kontribuesit më të madh ekonomik të koresë së veriut, të mbajë nën kontroll penianin.