Banorët e lagjes ‘Emin Matraxhiu’ në Elbasan protestojnë për vdekjen e 20-vjeçarit Fiori Sula disa ditë më parë në një aksident të ndodhur aksin nacional Elbasan-Librazhd, rrugë që njëkohësisht funksionon edhe si unazë qytetit. Banorët kërkojnë zgjidhje pasi rruga që përshkojnë çdo ditë është burim aksidentesh. Vdekja e Fiori Sulës disa ditë më parë nuk është rasti i vetëm i aksidenteve në këtë zonë, ku rruga nuk është e pajisur plotësisht me sinjalistikën e nevojshme, nuk ka trotuare, as semafor dhe as mbikalim për këmbësorët.