Ujësjellësi i Rubikut është tashmë një prej 128 kantiereve, të hapura nga Agjencia Kombetare e Ujesjelles-Kanalizime në të gjithë vendin, ku po punohet me ritëm të lartë për ndërtimin e rrjetit të ri shpërndarës. Ujësjellësi aktual është ndërtuar në vitet 60-të, çka ka sjellë degradimin e tij. Përmes investimit, që tashmë ka nisur në këtë zonë, do të ketë një transformim rrënjësor të situatës, e cila do të garantojë furnizim të pandërprerë për afro 4500 banorë. Investimi mbulon zonën urbane të Rubikut si dhe dy fshatrat, Munazë dhe Fierzë. Ministrja e Infrastrukturës dhe Energjisë, Belinda Balluku , ka inspektuar punimet, që po bëhen për këtë vepër. Ajo ka theksuar se investimi do të përmbyllet brenda afateve të parashikuara, në pranverë 2021