Banka e Shqipërisë nuk përjashton një tjetër ndërhyrje me rritje të normave bazë të interesit, nëse risqet që shtyjnë inflacionin nuk zbuten edhe më tej. Por, mes risqeve që përmend BSH në raportin 3-mujor financiar është rritja e pagave të punonjësve e shoqëruar pa rritje të produktivitetit në ekonomi. Kreu i departamentit të Politikës Monetare, Erald Themeli, nuk citoi shembuj konkretë, por deklarata i referohet reformës së pagave të ndërmarrë nga Qeveria, me synim rritjen e pagës mesatare në 900 euro në muaj dhe detyrimit të sektorit privat për të rritur pagat si pasojë e mungesës së fuqisë punëtorë.