Shoqatat e Transportit Publik paralajmërojnë përgjysmim të flotës së mjeteve në rrugët e vendit, duke nisur nga fillimi i shtatorit nëse Qeveria nuk ndërhyn për t’i mbështetur financiarisht për rritjen e çmimit të naftës. Në letrën drejtuar Ministrisë së Financave, asaj të Infrastrukturës dhe Bashkisë së Tiranës, Shoqata Kombëtare e Transportit Qytetas thotë se shtrenjtimi i naftës me reduktimin e numri të pasagjerëve gjatë muajit gusht ka bërë të papërballueshme kostot e operimit të kompanive. Çmimi i karburantit vazhdon të mbetet në nivele të larta dhe të ushtrojë presion të konsiderueshëm mbi kostot operative të shoqërive. Nëse kjo situatë vijon edhe gjatë muajit Gusht 2026 dhe muajve në vijim, pa u shoqëruar me një mekanizëm kompensimi financiar, operatorët do të përballen me vështirësi serioze për garantimin e shërbimit në nivelin aktual”, theksohet në letër.