Shtatë persona prezumohen se kanë humbur jetën në një aksident me një avion të vogël në liqenin Tenessee, përfshirë një themelues kishe dhe një guru dietash. Avioni Cessna 501 mbante shtatë persona kur ai u rrëzua mbi liqenin Percy Priest, në Smyrna, një komunitet afër Nashville, menjëherë pasi u ngrit në fluturim nga aeroporti i Smyrnas. Zyrtarët e sigurisë së transportit ajror po hetojnë tani shkaqet e aksidentit. Avioni ishte nisur për në aeroportin ndërkombëtar të Palm Beach-it, në Florida kur ai u rrëzua. Ekipet e zhytësve kanë mundur të gjejnë tani disa pjesë të avionit dhe disa trupa. Sidoqoftë, mbetjet janë shpërndarë në një rreze të gjatë dhe kërkimet janë ndërprerë gjatë natës. Zyrtarët, duke i shprehur ngushëllimet familjeve të viktimave, thanë se janë të angazhuar që të punojnë me të gjithë partnerët federalë për të bërë gjithcka që munden për gjetur trupat dhe për të zbuluar shkaqet e këtij aksidenti fatkeq.