Ekzekutohet në Rrëshen 51 vjecari Anton Keli, nip i familjes Gjini që punonte si taksist. Rreth orës 18 të pasdites së kësaj të marte, ai ka qenë me mjetin e tij me të cilin punonte, ndërsa i janë afruar persona të paidentifikuar, të cilët e kanë qëlluar me armë zjarri, duke e lënë të plagosur rëndë. Edhe pse është dërguar në spital, ai nuk ka mundur të mbijetojë. Burimet policore bëjnë të ditur, se Anton Keli nuk ka pasur konflikte personale dhe se nuk njihet si person me precedentë penalë. Ai është nip i familjes Gjini, ku kjo e fundit është përfshirë në disa ngjarje dhe hakmarrjet prej vitesh vijojnë mes tyre.