Sipas Partisë Demokratike të ish-kryeministrit Sali Berisha, ish-shefi i kundërzbulimit të FBI, Charles Mc Gonigal, do të pranojë fajësinë për të dy dosjet në ngarkim të tij. Deklarata në fjalë u bë nga kreu i FRPD, Besart Xhaferri. Sipas Xhaferrit, problemi në Shqipëri qëndron tek SPAK, që pavarësisht zhvillimeve në SHBA, vijon të mos marrë asnjë hap për bërjen e drejtësisë. SINK “Miku i Ramës, Charles McGonigal sipas New York Times, dhe mediave të tjera me ndikim në Amerikë, do të pranojë fajësinë për të dyja aktpaditë kundër tij. Si për dosjen e Uashingtonit, që heton raportet e dyshimta me Edi Ramën dhe sekserët e tij, përshirë paktin për të sulmuar kundërshtarin politik Partinë Demokratike, ashtu edhe për dosjen e Nju Jorkut, që ka në qendër lidhjen McGonigal-Deripaska, ish-agjenti i lartë i kundërspiunazhit do të dorëzojë në gjykatë të gjitha dijenitë e tij për çështjet, duke marre mbi vete fajin.”