Për të paktën 6 muaj, personat që e kanë kaluar COVID-19 janë të mbrojtur përballë rrezikut të riinfektimit. Në këtë përfundim ka dalë një studim i kryer nga Universiteti i Oksfordit, botuar në prestigjiozen “New England Journal of Medicine” (NEJM) në fund të vitit që shkoi. Të dhënat janë publikuar edhe nga mjeku epidemiolog Ilir Alimehmeti, I cili eshte ndaluar me gjate te një tjetër pikë me rëndësi e studimit, ne lidhje me ekspozimin e personelit shëndetësor ndaj koronavirusit. “Bie direkt në sy, shkruan mjeku alimehmeti, se sa e vogël (1.96 %) është përqindja e infektimit në periudhën pas marsit 2020, që tregon se mbrojtja e personelit shëndetësor ka qenë shumë e përshtatshme në Britaninë e Madhe”, thekson doktori. Por, në vendin tonë, shton më tej ai, “të infektuarit në radhët e bluzave të bardha, në të njëjtën periudhë kanë qenë shumë më shumë, duke dëshmuar qartë mungesën e masave mbrojtëse të përshtatshme, përfshirë edhe mungesën e testimit sistematik të personelit shëndetësor”. Askush nuk dëshiron të infektohet nga SARS-CoV-2, megjithatë shumë prej nesh tashmë e kanë kaluar në mënyrë natyrore sëmundjen. Duke qenë se personeli shëndetësor është profesionalisht i ekspozuar ndaj infektimit, pyetjet e natyrshme në këtë moment janë: “Nëse kryhen mbrojtje të përshtatshme, sa është mundësia e infektimit të personelit shëndetësor?”, dhe ”Sa është mundësia e riinfektimit të personelit shëndetësor?”. Pra, miqtë e mi, mesazhet janë: Mbrohuni dhe mos u infektoni në radhë të parë, por nëse e kaloni infeksionin natyror, imuniteti juaj zgjat goxha, gjashtë e muaj e lart të paktën. Me shumë gjasë, studimet e sivjetshme do të ofrojnë periudha edhe më të gjata!, mbyll shkrimin e tij mjeku Alimehmeti.