Si rezultat i reshjeve të shumta të shiut në qarkun e Durrësit rreth 410 ha tokë bujqësore ndodhet nën ujë. Në grykëderdhjen e tij, lumi Ishëm ka dalë nga shtrati në Bubq të Fushë-Krujës, ku 350 hektarë tokë bujqësore janë nën pushtetin e ujit. Lumi Ishëm ka shkaktuar përmbytje tokash bujqësore edhe në fshatin Gjuricaj të njësisë administrative Ishëm, bashkia Durrës. 60 ha tokë raportohet të jenë nën ujë. Emergjencat civile të prefekturës së Durrësit kanë ngritur grupet e punës dhe po ndjekin në terren situatën. Ndërkohë lumi Zezë ndodhet në kuotat maksimale. Reshjet e shumta të shiut kanë vërshuar edhe nëpër oborret e shtëpive në këto zona, ndërsa në një banesë në Katund të Ri uji ka depërtuar brenda banesës. Nderkohe ne qarkun e Elbasanit kane vazhduar reshjet e shiut me intensitet te ulet e mesatar. Ka vazhduar renia e gureve dhe inerteve ne aksin Gramsh-Moglice, te cilat jane eleminuar nga firma kontraktuese, dhe ka pasur renie te vazhdueshme te dherave ne Pishkash, te aksit Elbasan-Qafe, dhe firma kontraktuese ka qene ne gadishmeri. Qarkullimi ne 2 akset nuk eshte nderprere. Furnizimi me energji elektrike nuk ka pasur nderprerje. Niveli i lumenjve ne Shkumbin e Devoll vazhdon te jete i konsiderueshem por larg pikes se rrezikut. Niveli i perroit te Zaranikes ne bashkine Elbasan ka pesuar renie, sakaq perrenjte e tjere dhe kanalet kulluese nuk paraqesin rrezik per permbytje.