Moti i keq që ka përfshirë vendin ka sjellë problematika të ndryshmme në rrugët e vendit. Autoriteti Rrugor Shqiptar përmes një njoftimi për shtyp ka bërë të ditur gjendjen e rrugëve. Sipas ARRSH-së gjatë natës ka pasur reshje bore në veri të vendit, në akset Dedaj-Razëm, Bajram Curri-Valbonë. nderkaq grupet e punës të mirëmbajtjes kanë qenë në terren duke punuar për pastimin, rruga është e hapur dhe qarkullimi vazhdon pa problem. “Në segmentin Fushë Arrëz-Kukës dhe Kalimash-Fushë Dukagjin, si pasojë e reshjeve të dendura të shiut ka pasur rënie gurësh në trup të rrugës, është ndërhyrë menjëherë nga kompania e mirëmbajtjes dhe po punohet akoma qarkullimi vazhdon normalisht. Në rajonin jugor ka pasur reshje shiu me intesitet mesatar, si pasojë ka sjellë rënie gurësh në aksin Berat-Çorovodë dhe Patos-Ballsh, është ndërhyrë menjëherë për pastrimin e rrugëve pa krijuar probleme në qarkullim”, thuhet në njoftimin e arrsh-së. ndërsa në segmentin Qukës-Pishkash ka prurje të aluvioneve vazhdimisht dhe grupet me mjetet e punes po punojnë për pastrimin e plotë. ARRSH u ka bërë thirrje drejtuesve të mjeteve të tregohen të kujdesshëm për shkak të lagështisë në rrugë, të reduktojnë shpejtësinë dhe të respektojnë sinjalistikën rrugore.