Situata e rënduar në Sazan për shkak të zjarrit masiv që ka përfshirë sipërfaqen e ishullit, ka tërhequr vëmendjen e presidentit Ilir Meta, i cili përmes një reagimi bën me dije se po ndjek me vëmendje situatën në zonën e Vlorës. Kreu i shtetit ka kërkuar angazhimin e plotë të strukturave vendore dhe qendrore për shuarjen e flakëve sa më parë, mnë mënyrë që të mos përsëritet situata e një viti më parë. “Duke vlerësuar parashikimet e Institutit të Gjeoshkencës për një verë të nxehtë, me temperatura shumë të larta, bëj thirrje për vënien në gadishmëri të strukturave të Ministrisë së Mbrojtjes, Ministrisë së Brendshme dhe Bashkive në të gjithë Shqipërinë, për mbrojten civile, sidomos për angazhimin e flotës ajrore, për ndërhyrjen nga ajri për fikjen e vatrave të zjarrit në zona ku është e pamundur ndërhyrja në rrugë tokësore, siç është rasti i Ishullit të Sazanit.”