Është përkeqësuar befas situata në Maqedoninë e Veriut, ku vendi shënoi 31 të vdekur brenda 24 orëve të fundit, cka e con numrin total të viktimave nga koronavirusi në vendin fqinj në 2,225. Sipas raportit të Ministrisë së Shëndetësisë, 10 prej vdekjeve të reja u regjistruan në Shkup. 657 janë të infektuarit. Drejtuesit e institucioneve vendase kanë vazhduar me apelet për kujdes maksimal gjatë festave të funditvitit; ata kanë kërkuar të mos ketë manifestime në ambiente të mbyllura e madje as në ato të hapura, duke e vene theksin tek nevoja për të shmangur sidomos grumbullimet në sheshe. Ministri I brendshëm Oliver Spasovski u shpreh se policia do të ndërhyjë gjithandej ku do të ketë informacione apo denoncime për tubime me shume persona. Nga 18 dhjetori, në Maqedoninë e Veriut kanë hyrë në fuqi masat për frenimin e epidemisë. Sektori i gastronomisë do të punojë deri në orën 18:00, dhe restorantet e hotelet deri në orën 21:00. Masat do të zgjaten deri në 21 janar dhe gjatë kësaj periudhe të gjithë kufijtë e vendit do të jenë të hapur për lëvizje të lirë.