Sot mbaron afati i qëndrimit në detyrë Komisionit Parlamentar të Reformës Zgjedhore, afat i cili është shtyrë disa herë. Pas kësaj drafti futet direkt në procedura parlamentare dhe këtu qëndron edhe rreziku i hedhjes në erë të tij, pikërisht pasi mazhoranca nuk i ka 84 vota për ta miratuar. Nisma do të futet në procedura parlamentare, duke nënkuptuar se mund të ndiqet një skenar që të votohet më pas direkt në Parlament. Opozita Parlamentare ka paraqitur një draft që kërkon ta fusë në këtë reformë, që në fakt prek thelbin e marrëveshjes PS-PD-LSI dhe që konsiston në vendosjen e listave të hapura dhe heqjen e koalicioneve. PS nga ana e saj nuk ka problem për listat e hapura por edhe i pëlqen heqja e koalicioneve.