Debatet e fundit për Reformën në Drejtësi dhe ecurinë e saj janë bërë objekt diskutimesh nga Ambasada Amerikane. Kjo e fundit, përmes një statusi në faqen zyrtare të facebook shkruan se ajo duhet të vijojë me shpejtësi dhe hap pas hapi “Shtetet e Bashkuara mbeten vendosmërisht të përkushtuara ndaj reformës në drejtësi, e cila është kërkesë e popullit shqiptar. Në përgjigje të kësaj kërkese, në vitin 2016, Parlamenti miratoi unanimisht ligjet themelore për reformën. Prej atëherë, janë ngritur institucione kyçe dhe zbatimi vazhdon për t’i bërë ato funksionale. Reforma është e dhimbshme, e ngadaltë dhe e papërsosur por është e nevojshme. Reforma në drejtësi po ecën përpara dhe duhet të vazhdojë, në mënyrë që Shqipëria të bëhet anëtare e plotë e familjes europiane.