Dy persona humbën jetën dhe më shumë se 1,000 të tjerë janë evakuuar në Korenë e Jugut pasi vendi u përfshi nga shira të rrëmbyeshëm të enjten, tha ministria e sigurisë.Që nga ora 11:00 e të enjtes, disa pjesë të rajonit Chungcheong në jug të kryeqytetit Seul regjistruan më shumë se 400 milimetra shi që nga e mërkura, tha Ministria e Brendshme dhe e Sigurisë.Reshjet e shiut thyen rekordet në zonë dhe mot akoma më i lagësht u parashikua për natën e së enjtes, tha Administrata Meteorologjike e Koresë.Alarmet për rrëshqitje dheu u ngritën në nivelin më të lartë për disa rajone, përfshirë Chungcheong-un, ndërsa shirat e rrëmbyeshëm vazhdojnë, tha Shërbimi Pyjor i Koresë.Në qytetin Gvang’ju, rreth 267 kilometra në jug të Seulit, 87 rrugë dhe 38 ndërtesa u përmbytën brenda rreth dy orësh pasi u lëshuan paralajmërimet për shira të rrëmbyeshëm.403 shkolla u mbyllën dhe 166 të tjera raportuan dëme materiale nga shiu i rrëmbyeshëm, tha Ministria e Arsimit.