Shqiptarët e Preshevës, Medvegjës dhe Bujanovcit po përballen me politika të ashpra të ndërmarra nga qeveria serbe, të cilat synojnë largimin e shqiptarëve nga këto troje. Komiteti i Helsinkit në Serbi ka përpiluar një raport prej 86 faqesh ku qartëson barrierat politike e sociale që po ndërmerr Serbia për dëbimin e komunitetit shqiptar. Komiteti i Helsinik nënvizon ligjin e ‘Pasivizmit të vendbanimit të shqiptarë që punojnë jashtë vendit, qoftë në Evropën Perëndimore apo në Kosovë. ‘Pasivizmi’ bën që shqiptarët të humbin statusin e tyre si shtetas serb së bashku me të gjitha të drejtat e tjera civile duke filluar që nga e drejta e pronës e deri tek e drejta e votës. Qartësisht kjo politikë është një formë e spastrimi etnik përmes mjeteve administrative.