Agjencia ndërkombëtare e vlerësimit Standard & Poors, ka paraqitur panoramën makrokekonomike të vendit tonë, ku ka ruajtur vlerësimin “e qëndrueshëm” për financat e vendit. Ministrja e Financave, Delina Ibrahimaj ka publikuar mëngjesin e kësaj të shtune, raportin më të fundit të ekspertëve makroekonomikë të Standard & Poors, të cilët në rishikimin më të fundit konfirmuan për Shqipërinë vlerësimin aktual “B+” si një vend me perspektivë “të qëndrueshme”. Nisur nga dinamika e arkës së shtetit, agjensia parashikon që Deficiti fiskal do të ulet në periudhën afatmesme, duke sjellë si rezultat rënie të borxhit të qeverisë në raport me Prodhimin e Brendshëm Bruto.