Drejt frontit të luftës në Ukrainë pritet të nisen tre liderët e Ballkanit Perëndimor: kryeministri Edi Rama, kryeministri i Malit të Zi, Dritan Abazoviç si dhe homologu i tyre në Maqedoninë e Veriut, Dimitar Kovaçevski. Pas bisedës telefonike mes presidentit ukrainas, Volodymyr Zelensky dhe kryeministrit të Malit të Zi, Dritan Abazoviç, ky i fundit pranoi ftesën për të vizituar Kievin. Mesazhi i tre liderëve të Ballkanit Perëndimor është ai i një mbështetjeje të unifikuar dhe të fortë të rajonit, ndaj Ukrainës që prej muajsh vuan pasojat e një lufte të paprovokuar të trupave ruse. Media malazeze, Vijesti, konfirmon se ideja e një vizite të përbashkët në Kiev, erdhi nga kryeministri i Malit të Zi, Abazoviç, për të treguar unifikimin e rajonit Ballkanik.