22 persona u vranë dhe 117 të tjerë u plagosën nga sulmi me raketa që ndërmorri Izraeli mbrëmjen e të enjtes në Bejrut, Ushtria e Izraelit goditi disa zona në qendër të kryeqytetit libanez duke shënjestruar një aleatë të ngushtë të liderit të të Hezbollahut, Hassan Nasrallah. Bombardimi "i ka lënë të gjithë njerëzit në një gjendje frike", u thotë një person kolegëve tanë në BBC Arabic. “Ndërtesat janë në tokë dhe njerëzit janë nën rrënoja, ka zjarr që del nga ndërtesat, është një skenë shumë e tmerrshme, britmat e njerëzve dhe zhurma e ambulancave”, shtoi ai duke iu referuar kaosit që ka përfshirë pas suulmit me raketa kryeqytetin. Ndërkohë një banor tjetër rrëfeu momentin kur nisi bombardimi: "Ne po kalonim me makinën tonë kur një goditje e madhe tronditi mjetin, e dëgjuam dhe pamë pluhur kudo dhe njerëzit filluan të vrapojnë, të bërtasin dhe të qajnë. Ka njerëz të ngecur brenda ndërtesave, shumë skenë e tmerrshme.” “Zona është plotë me njerëz, pasi shumë u zhvendosën nga periferia në qendër pasi e konsideronin si të sigurt”, tha një banor tjetër.