Vladimir Putin do të vdesë së shpejti dhe ky është një fakt – tha presidenti ukrainas Volodimir Zelenski ndërsa i kërkonte SHBA-së të qëndronte e fortë para kërkesave të tij. Ish spiuni i KGB-së, vladimir Putin, 72 vjec, është përfolur shpesh se vuan nga shëndeti jo i mirë e madje janë përmendur lloje të ndryshme kanceri e deri tek Parkinsoni. Ai është parë në disa episode me këmbë dhe duar që i dridhen, me fytyrë të enjtur, me të folur të turbullt dhe është spekuluar madje se përdorte një sozi për paraqitjet publike të tij. Inteligjenca ukrainase ka mbështetur pretendimet se Putin nuk është mirë dhe Zelenski ka bërë edhe më herët aludime për shëndetin e rënduar të tij. Kremlini e ka mohuar gjithmonë se Putini nuk është mirë ndërkohë që edhe vetë ai punon shumë për të kultivuar një imazh prej burri të fortë, duke u shfaqur gjysmë i zhveshur ndërs kalëron, peshkon apo edhe duke bërë xhudo e duke luajtur hockey. Zelenski tha po ashtu se putin ka frikë nga vetë elita e shoqërisë së tij, në rusi, dhe i kërkoi SHBA-së që të mos e lejojë atë të dalë nga izolimi.