Tridhjet vitet e demokracisë shqiptare janë shoqëruar me lëvizje të konsiderueshme të shtetasve jashtë kufijve. Megjithëse ekziston një ligj i posaçëm, shteti shqiptar nuk ka ende një regjistër zyrtar të qytetarëve që banojnë jashtë kufijve. Marrëveshja politike mes qeverisë dhe opozitës e cila u arrit në datën 5 qershor parashikonte dhe realizimin e procesit të votimit për emigrantët shqiptarë. Gjithashtu Kodi i Ri zgjedhor e përfshin këtë pikë, e cila ze një peshë të konsiderueshme në numrin total të votuesve. Megjithatë në prag të zgjedhjeve të 25 Prillit duket se përpjekjet për të bërë të mundur votimin e diasporës kanë dështuar. Qeveria dhe opozita fajësojnë KQZ-në se nuk miratoi aktet nënligjore në kohën e duhur, ndërsa Komisioneri Shtetëror i Zgjedhjeve u shpreh se për të patur konsensus të gjerë, u ka dërguar partive politike një draft për votimin e qytetarëve shqiptarë jashtë vendit, dhe se ato nuk kthyen përgjigje. Në këtë kontekst shqipëtarët me banim jashtë territorit në date 25 prill do të mund të shprehin preferencat e tyre për politikanët që duan t’i përfaqësojnë në kuvend, vetëm nëse paraqiten në qendrat e votimit në Shqipëri,