Qindra qytetarë të Prizrenit në Kosovë janë grumbulluar në sheshin kryesor të qytetit historik menjëherë pas përfundimit të faljes së të premtes, në shenjë proteste kundër ‘Doku Fest’. Shkak për këtë protestë është bërë paraqitja e një filmi në mbrojtje të transgjinorëve në hapjen e këtij aktiviteti, gjë që nuk është pranuar nga qytetarët e Prizrenit. Sipas protestuesve, ky aktivitet ka tentuar të përdhosë kulturën e Prizrenit, e për këtë kanë kërkuar që të tilla gjëra të mos lejohen të ndodhin në qytetin me shumicën dërrmuese të besimit Islam.