Lufta në Ukrainë ndryshoi parametrat gjeopolitikë të botës duke u kthyer në një pjesë të rëndësishme të axhendës së politikanëve. Menjëherë pas përfundimit të samitit të jashtëzakonshëm të NATO-s, ministrja për Evropën dhe Punët e Jashtme, Olta Xhaçka udhëtoi këtë të enjte drejt Shteteve të Bashkuara të Amerikës. Një takim i niveleve të larta, do të mbledhë ditën e premte në Neë York, ministrat e jashtëm të Shqipërisë, Kolumbisë, Danimarkës, Ishujve Marshall, Holandës dhe Ukrainës. Këto shtete kanë bashkëthemeluar forumin ndër-rajonal të quajtur “Grupi i Miqësisë mbi Përgjegjshmërinë / Llogaridhënien”, i cili do të pozicionohet në Njeë Jork dhe Gjenevë dhe do të ketë si qëllim shkëmbimin e informacionit ndërmjet shteteve, organizatave ndërkombëtare, institucioneve dhe shoqërisë civile, duke optimizuar procesin e llogaridhënies dhe drejtësisë por dhe angazhimin e shteteve më të vogla në këtë proces.