Presidenti Donald Trump paditi BBC-në për shpifje pasi ka redaktuar fragmente të një fjalimi që e bënë të dukej sikur ai i drejtoi mbështetësit që të sulmonin godinën e kongresit amerikan, duke hapur një front ndërkombëtar në luftën e tij kundër mbulimit mediatik që ai e konsideron të pavërtetë ose të padrejtë. Trump akuzoi transmetuesin publik të Britanisë për shpifje duke bashkuar pjesë të një fjalimi të 6 janarit 2021, duke përfshirë një pjesë ku ai u tha mbështetësve të marshonin drejt Kapitolit dhe një tjetër ku ai tha "luftoni fort". Në montazh ishte prerë një pjesë në të cilën ai bënte thirrje për protesta paqësore. Padia e Trump pretendon se BBC duke shpifur ka shkelur një ligj të Floridës që ndalon praktikat mashtruese dhe të padrejta. Ai po kërkon 5 miliardë dollarë dëmshpërblim për secilën nga dy akuzat e padisë. BBC i ka kërkuar falje Trump, ka pranuar një gabim në gjykim dhe ka pranuar se redaktimi dha përshtypjen e gabuar se ai kishte bërë një thirrje të drejtpërdrejtë për veprime të dhunshme. Por ka thënë se nuk ka bazë ligjore për padi. Trump, në padinë e tij të paraqitur të hënën në gjykatën federale të Miamit, tha se BBC, pavarësisht kërkimit të faljes, "nuk ka treguar asnjë keqardhje të vërtetë për veprimin e saj të qëllimshëm dhe as nuk ka ndërmarrë ndryshime domethënëse institucionale për të parandaluar abuzimet e ardhshme gazetareske". BBC financohet me paratë e taksapaguesve britanikë, cka avokatët e Mbretërisë së Bashkuar thonë se mund ta bëjë çdo pagesë për Trumpin politikisht të tensionuar. Media të tjera kanë bërë marrëveshje me Trumpin, përfshirë CBS dhe ABC, kur Trump i paditi ato pas fitores së tij në zgjedhjet e nëntorit 2024. Trump ka ngritur padi kundër Neë York Times, Ëall Street Journal dhe një gazete në Ioëa, të cilat kanë mohuar shkeljet.