Qeveria fton bizneset të aplikojnë për të përfituar nga programet për nxitjen e punësimit të hartuara për të ndihmuar në situatën e re të krijuar prej pandemisë së COVID-19. Ministrja e Financave dhe Ekonomisë, Anila Denaj nëpërmjet rrjeteve sociale u bën thirrje bizneseve të aplikojnë se programet e nxitjes së punësimit mbështesin sipërmarrjen, subvencionojnë kostot e biznesit dhe lehtësojnë punësimin e punëkërkuesve. ‘Programet e Nxitjes së Punësimit mbështesin sipërmarrjen, subvencionojnë kostot e biznesit dhe lehtësojnë punësimin e punëkërkuesve. Nga programet afatshkurtra deri në ato 12 mujore, Qeveria Shqiptare ofron mbështetje financiare për pagat dhe sigurimet shoqërore të punonjësve të rinj, shkruan Denaj që fton të gjithë bizneset e interesuara të drejtohen në portalin e-albania për të aplikuar.