Princat Uilliam dhe Harri kritikuan BBC dhe gazetarin Martin Bashir në lidhje me mënyrën e pandershme në të cilën Bashir kishte siguruar një intervistë shpërthyese me nënën e tyre, princeshën Diana, ku ajo kishte folur për martesën e trazuar me princin Charles. Kritikat e tyre erdhën vetëm pak orë pasi një hetim i pavarur, i brendshëm, doli në përfundimin se Bashir kishte përdorur dokumente të fallsifikuara për të siguruar intervistën e tij sensacionale në 1995, me princeshën Diana dhe se drejtuesit e BBC kishin dështuar të hetonin sic duhet mënyrën se si ai e kishte siguruar atë. Uilliam tha se intervista kishte dhënë një kontribut të madh në rrënimin e marrëdhënies mes prindërve të tij ndërsa dështimi i BBC kishte kontribuar në mënyrë domethënëse tek frika, paranoja dhe izolimi i saj, në vitet e fundit të jetës. Është bindja e ime se programi Panorama nuk ka legjitimitet dhe nuk duhet të transmetohet kurrë më. Ndërsa princi Harry tha se raporti ishte hapi i parë drejt vendosjes në vend të drejtësisë dhe vulosjes së të vërtetës, por praktikat e pandershme të ekspozuara, janë të përhapura sot dhe kanë luajtur një rol në vdekjen e nënës së tij.