Sirianët votojnë sot në zgjedhjet presidenciale dhe këto janë zgjedhjet e dyta presidenciale që nga fillimi i luftës, në të cilën janë vrarë qindra mijëra njerëz dhe miliona janë detyruar të largohen nga vendi. Bashar al asad, që në zgjehdjet e fundit mori 88.7 për qind të votave, do të sigurojë edhe një mandat të katërt prej shtatë vjetësh, edhe nëse, si në zgjedhjet e fundit, ai ka pranuar zyrtarisht kandidatë alternativë. Për analistët sidoqoftë, gjithcka është e vulosur dhe fitorja e Asadit është e padiskutueshme. I gjithë procesi zgjedhor, që nga zgjedhja e kandidatëve te numërimi i votave, kontrollohet nga regjimi. Po ashtu e qartë është se regjimi po përpiqet të krijojë legjitimitet me zgjedhjet. Asadi tani kontrollon përsëri rreth dy të tretat e territorit - vetëm rajoni Idlib, verilindja e administruar nga kurdët dhe protektoratet turke ende nuk janë nën sundimin e tij. Ai e arriti këtë me ndihmën e Rusisë dhe Iranit - kur Rusia ndërhyri me forcat ajrore, forcat speciale dhe policinë ushtarake nga viti 2015 e kur Irani dërgoi brigada dhe milicinë shiite. Me mbështetjen e tyre, Asadi tashmë e ka fituar luftën ushtarakisht, edhe nëse lufta nuk ka mbaruar ende. Perëndimi ndërkohë i ka quajtur zgjedhjet në siri një fasadë e orkestruar nga presidenti Bashar al asad që do të marrë kështu edhe një mandat të katërt shtatë vjecar në detyrë.