Shpejtësia tej normave të lejuara dhe drejtimi i mjetit nën efektin e alkolit, vijojnë të mbeten dy nga nga faktorët më problematikë dhe më të rrrezikshëm sa i përket aksidenteve rrugore. Policia rrugore e Gjirokastrës ka vënë në panga 3 drejtues mjetesh. Dy prej tyre u vunë në pranga pasi nuk iu bindën urdhrit të policisë për të ndaluar. Pasi policia ka arritur ti ndalojë ka konstatuar se këta dy kanë qenë në gjendje të dehur. Një tjetër drejtues mjeti u arrestua pasi duke drejtuar automjetin, në gjendje të dehur, është përfshirë në një aksident rrugor, me një mjet tjetër, në vendin e quajtur “Ura e Lumit”, duke shkaktuar dëme materiale. Gjatë kontrolleve të shtuara me qëllim parandalimin e ngjarjeve të rrezikshme rrugore, policia procedoi në gjendje të lirë 1 person, i cili akuzohet për drejtim të automjetit në mënyrë të parregullt. Si rrjedhojë e kontrolleve të shtuara policia pezulloi 4 leje drejtimi, për drejtim mjeti nën ndikimin e alkoolit. Po ashtu, janë vendosur 367 masa administrative gjatë javës që lamë pas për arsyje të ndryshme që përbëjnë rrezikshmëri në rrugë.