Polonia është gati të presë armë bërthamore në territorin e saj, me qëllim që të ndahet ky mekanizëm mbrojtës me aleatët e NATO-s. Kështu është shprehur presidenti polak, Andrzej Duda, në një intervistë me të përditshmen Fakt. “Rusia po militarizon gjithnjë e më shumë rajonin e kaliningradit – theksoi Duda. “Ajo ka transferuar kohët e fundit armët e saj bërthamore në Bjellorusi. Nëse aleatët tanë vendosin të dërgojnë armë bërthamore në kuadër të ndarjes së këtij mekanizmi për të forcuar sigurinë e krahut lindor të natos, në territorin tonë, ne jemi gati. “Ne jemi një vend anëtar i aleancës së atlantikut verior ndaj kemi edhe detyrime në këtë aspekt; ne thjeshtë implementojmë një politikë të përbashkët”, shpjegoi presidenti polak. Që nga fillimi i pushtimit të Ukrainës, në shkurt 2022, presidenti rus vladimir putin nuk i ka kursyer kërcënimet bërthamore ndaj perëndimit, përfshirë këtu vendosjen e armëve bërthamore në bjellorusi, vend ky që kufizohet me anëtarët e natos, poloninë, lituaninë dhe letoninë. Duda tha ndërkohë se ndarja bërthamore ka qenë subjekt bisedimesh mes polonisë dhe shba-së, prej disa kohësh. “Unë kam folur për këtë disa herë. Duhet të pranoj se kur jemi pyetur, unë kam deklaruar gatishmërinë tonë”, tha ai. Zëdhënësi i Kremlinit, dmitry Peskov, reagoi të hënën duke thënë se rusia do të merrte të gjithë hapat e nevojshëm për të garantuar sigurinë e saj. Duda ndërkohë, nxorri në pah në intervistë, edhe marrëdhënien e mirë të tij me ish presidentin e shteteve të bashkuara të amerikës dhe kandidatin aktual republikan në zgjedhjet e nëntorit, Donald Trump, me të cilin ai pati një takim privat, javën e kaluar.