Një pikturë 500 vjecare është zbuluar në një apartament në itali dhe është rikthyer në një muze, ku stafi as nuk e dinte se ajo ishte vjedhur. Kopja e Salvator Mundi, që besohet se është pikturuar nga Leonardo da Vindi, u gjet në një dollap, në një dhomë gjumi, në Napoli. Kopja mendohet se është pikturuar nga një prej nxënësve të da Vincit. Pronari 36 vjecar i apartamentit u arrestua.“Piktura u gjet falë një operacioni të shkëlqyer të policisë, tha prokurori i Napolit Giovanni Melillo. Vepra ishte pjesë e koleksionit të muzeut Doma në kishën San Domenico Maggiore në qytet. Por Melillo, thanë zyrtarët, nuk ishte në dijeni se ajo ishte vjedhur, sepse dhoma ku mbahej piktura nuk ishte hapur prej tre muajsh për shkak të pandemisë së koronavirusit. Nuk dihet se kur vepra ishte marrë dhe askush nuk e ka raportuar atë të humbur por muzeu tha se e kishte patur atë në zotërim të paktën që nga janari i shkuar. Policia po heton tani ngjarjen por nuk ka patur asnjë shenjë për hyrje me forcë në muze. Nuk dihet saktë se kush e ka realizuar veprën, por disa ekspertë besojnë se nxënësi i leonardos, Giacomo Alibrandi, mund ta ketë bërë atë në fillim të viteve 1500. Ndërkohë që akoma më të mistershme atë e bëjnë edhe zërat se ajo mund të jetë një pikturë origjinale e da vincit. Ky i fundit vdiq në 16519 dhe vetëm më pak se 20 vepra të tij njihen. Salvator mundi origjinal i është nënshtruar një restaurimi por përpjekjet nuk kanë qenë shumë të frytshme. Kjo sidoqoftë nuk i zbraps blerësit me pikturën që është bërë një nga më të shtrenjtat e shitura ndonjëherë në ankand, për një rekord prej 450 milionë dollarësh, në 2017.