Të paktën 15 persona kanë vdekur dhe 20 të tjerë janë plagosur nga dalja nga shinat e një tramvaji në Lisbonë. Tramvaji, i cili lidh pjesën e poshtme të qendrës së kryeqytetit portugez me lagjen Barrio Alto, është mjeti më i popullarizuar i transportit për turistët. Ambulancat, zjarrfikësit dhe automjetet e Mbrojtjes Civile ishin në vendngjarje për të nxjerrë të plagosurit. Megjithatë, numri i të vdekurve mund të rritet më tej, sipas asaj që raportojnë mediat lokale. Dy hipotezat e deritanishme janë dyshime për frenat ose për një kabllo me defekt. Sipas zjarrfikësve, një kabllo u këput, duke bërë që njëra nga dy kabinat të dilte nga shinat dhe të binte kur ishte në pikën e tij më të lartë. Një tjetër teori midis teknikëve në lidhje me shkakun e aksidentit është se sistemi i frenimit të makinerisë dështoi. Ajo u përplas me një ndërtesë ngjitur me shinat dhe u shemb nga goditja. Reagoi edhe presidentja e Komisionit Europian, Ursula Von der Leyen. "Me trishtim mësova për rrëzimin e tramvajit të famshëm da Gloria. Ngushëllimet e mia familjeve të viktimave”, ka shkruar ajo. Pamjet: AFP