Vendimi për shfuqizimin e tatimit për profesionistët e lirë, nuk parashikoi kompesim për ata që u prekën nga efektet e ligjit dhe paguan detyrimin tatimor para se të shprehej Gjykata Kushtetuese. Situara mbetet atipike dhe pa përgjigje, në kushtet kur ende nuk ka një dispozitë kalimtare ligjore që parashikon zgjidhje për profesionistët e lirë të cilët paguan një detyrim tatimor, që më pas rezultoi të ishte antikushtetues. Të kontaktuar nga Top Neës, profesionistët e lirë shprehen se mbeten në pritje të rregullimit të kësaj situate përmes urdhrit të ministrit të financave apo një vendimi të këshillit të ministrave. Kjo situatë mund të ngrihet si çështje edhe në çelje të sesionit të ri parlamentar në shtator, nga deputetë të Partisë Demokratike, të cilët ishin një nga grupet që çuan në Kushtetuese tatimin e profesionistëve të lirë.