Kishte hyrë në lokal të merrte një kafe dhe me atë rast, të mbrohej pak nga I ftohti. Por policë të veshur civilë e kapën menjëherë për shkeljen, e ndërsa I vendosnin gjobën 400 euro I kujtuan masat anti-covid, pavarësisht se burri që kishin përballë lëvizte me karrocë elektrike. Ngjarja ndodhi në Macerata të Italisë. Protagonisti I pavullnetshëm i saj është 58 vjecari Giovanni Valerio Ricci, I prekur nga distrofia muskulare. “ Desha të ngrohem pak, kjo gjobë është pothuajse sa e gjithë asistenca që marr” tha ai. Episodi ka zemëruar dhe pronarin e lokalit, Andrea Giampaoli, I cili u shpreh se kjo nuk është gjë tjetër vecse nëpërkëmbje e dinjitetit të atyre që janë më të dobët. “ Jam I detyruar të lëviz me karrocën elektrike, dhe përpiqem që cdo ditë të dal të paktën një orë nga shtëpia. Por ishte shumë ftohtë, dhe nuk po vazhdoja dot më ndaj I kërkova të zotit të lokalit të hyja pak brenda që të merrja veten e piva dhe një kafe”, ka rrëfyer Ricci për Il Resto del Carlino. Drejtuesi I policisë së Maceratës u shfaq I palëkundur nga pozicioni I tij, duke thënë se detyra e efektivëvev ishte të zbatonin ligjin dhe se trajtimi është njësoj për të gjithë, duke e ndezur kështu edhe më shumë debatin mbi këtë rast.