Prokuroria e Posaçme ka dhënë pretencën për tre nga anëtarët e grupit kriminal, pjesë e dosjes “Plumbi i Artë”, që u gjykuan me procedurë të shkurtuar. Organi I akuzës kërkoi 10 vite burg për Ilirjan Feçin dhe Agim Gjinin dhe 7 vite heqje lirie për Elvis Koçin. Në seancën e radhës, do të bëhet mbrojtja e të pandehurve si dhe shpallet vendimi për këtë çështje. Ndërkohë për pjesën tjetër të të akuzuarve gjykimi do të vijojë I zakonshëm për shkak se akuzohen për vepra më të rënda penale. Pjesë e këtij grupi janë Nuredin Dumani Henrik Hoxha, Skerdi Tase, Enver Diva, Besjan Xhixho etj. Operacioni “Plumbi i Artë” u zhvillua në mars të 2022, ku Nuredin Dumani, Henrik Hoxha, Skerdi Tase dhe së fundmi Erion Alibej fituan statusin e bashkëpunëtorit të drejtësisë, ku përmes dëshmive të tyre, zbardhën një sërë krimesh të rënda