Në kufirin mes izraelit dhe Libanit janë ndërprerë luftimet qëe nga e shtuna për t’I lënë vendin takimit për arritjen e paqes mes SHBA dhe iranit. Qetësia në fushëbetejë u prish vetëm nga deklaratat. Kreu i Hezbollahut, Naim Qassem, hodhi poshtë çdo zonë sigurie izraelite në Liban, pasi kryeministri i Izraelit, Benjamin Netanyahu, u zotua se trupat e tij do të qëndronin në jug të vendit "për aq kohë sa të jetë e nevojshme". Trupat izraelite "që të qëndrojnë në tokën libaneze është e pamundur. Nuk ka zona sigurie për Izraelin... ne kemi një ushtri kombëtare që dislokohet dhe është përgjegjëse për ruajtjen e sovranitetit dhe është ajo me të cilën bashkëpunojmë", tha Qassem në një fjalim televiziv. Forcat izraelite që pushtuan Libanin jugor pas shpërthimit të luftës më 2 mars po veprojnë brenda të ashtuquajturës "zonë sigurie" rreth një duzinë kilometrash thellë brenda territorit libanez përgjatë kufirit. Netanyahu tha të dielën se "ne do të qëndrojmë në zonën e sigurisë në Libanin jugor për aq kohë sa të jetë e nevojshme për të mbrojtur banorët e çmuar të veriut dhe të gjithë qytetarët e Izraelit... Asgjë nuk do ta ndryshojë këtë angazhim". Ndërkohë, ministri i mbrojtjes i Izraelit tha se forcat izraelite kishin urdhra të përhershëm për të vepruar kundër çdo kërcënimi që hasnin brenda Libanit. Fjalimi i Qassem erdhi ndërsa Uashingtoni dhe Teherani zhvilluan bisedime në Zvicër, pasi këtë javë nënshkruan një marrëveshje paraprake për t'i dhënë fund luftës në Lindjen e Mesme, e cila përfshin edhe ndalimin e armiqësive në Liban. Nën presionin e SHBA-së, Libani filloi në prill bisedime të drejtpërdrejta me Izraelin në Uashington që synonin t'i jepnin fund armiqësive dhe të ndanin konfliktin Izrael-Hezbollah - i cili shpërtheu me raketat e Hezbollahut ndaj Izraelit në mbështetje të mbështetësit të tij, Iranit - nga lufta rajonale. Hezbollahu i ka hedhur poshtë me vendosmëri bisedimet e drejtpërdrejta, një raund i pestë i të cilave do të fillojë javën e ardhshme.