Kryetari i Lidhjes Demokratike të Kosovës, Isa Mustafa, ka propozuar që të shkarkohet Vjosa Osmani nga pozita e nënkryetares dhe kryesisë së këtij subjekti politik. Mustafa e ka bërë këtë përmes një letre drejtuar Këshillit të Përgjithshëm të partisë, ku ka kërkuar votimin për shkarkimin e Osmanit. Ai thekson në letër se tre deputetë të LDK-së, Vjosa Osmani, Fatmir Rexhepi dhe Haxhi Avdyli kanë votuar kundër Qeverisë, dhe në seancën e Kuvendit, në të cilën u votua mosbesimi ndaj Qeverisë Kurti, Osmani në kundërshtim me qëndrimin e Kryesisë së LDK-së, bëri apel të mos votohet mocioni. Mustafa shton se Osmani vazhdoi publikisht me kundërshtimin e koalicionit aktual i cili përbën Qeverinë Hoti e pretendon se ajo iu largua përgjegjësisë për të drejtuar seancën e Kuvendit për zgjedhjen e ekzekutivit të drejtuar nga LDK-ka. “Anëtarët e LDK-së nuk mund të jenë në pozita, organe dhe forume të LDK-së, nëse ata publikisht refuzojnë dhe i mohojnë vendimet e organeve dhe forumeve, anëtarë të të cilëve janë”, ka shkruar Mustafa. Juristja e shumëvlerësuar rezultoi të ishte femra më e votuar në zgjedhjet e 2017-tës, e ky popullaritet I madh I saj u reflektua qartë edhe në zgjedhjet e 6 tetorit 2019