Një gjykatë gjermane në Dyseldorf dënoi me shtatë vjet burg një 31 vjecar nga Taxhikistani, I akuzuar për bashkëthemelimin e një celule të Isis-it në Gjermani dhe mbështetjen për dy atentate te planifikuara prej saj. Gjykata tha se Ravsan B., emri i plotë i të cilit nuk u bë i njohur në përputhje me rregullat gjermane të privatësisë, kishte krijuar celulën e organizatës terroriste së bashkuar me disa përsona të tjerë, që dyshohet të jenë bashkëkombas të tij. 31 vjecari jetonte në qytetin perëndimor gjerman të Wuppertal dhe ka qenë në paraburgim që nga marsi 2019. Thuhet se ai I dha një anëtari të celulës një pistoletë gjysmë automatike për të qëlluar një burrë në Gjermani i cili kishte bërë komente kritike rreth Islamit. Por autoritetet arritën ta zbulojnë në kohë sulmin dhe ta shmangin atë. Associated Press shkruan po ashtu se Ravsan ishte përfshirë në përgatitjen e një vrasje me pagesë prej 40 mije dollare në Shqipëri e cila kishte për qëllim të financonte ISIS-in. Kjo vrasje u anullua sepse lindën dyshime mbi identitetin e viktimës së shënjestruar. Përpos kësaj I pandehuri mësohet të ketë marrë pjesë dhe në një transferim parash dtejt Shtetit Islamik në Siri. Përpara gjykatës, 31 vjecari I pranoi në masë të madhe shkeljet për të cilat akuzohej ndërsa ka dhënë informacione edhe për anëtarët e tjerë të dyshuar të celulës së tij, që përballen gjithashtu me procesin gjyqësor.