I ngadaltë e i shëmtuar, me një gojë të futur që nuk e zbut aspak pamjen e tij të pafat dhe parazëitët që shpeshherë i mbushin syrin, peshkaqeni i Groenlandës, dikur shumë i kërkuar për vajin e mëlcisë së tij, sot është një specie të cilën peshkatarët kërkojnë ta shmangin. E megjithatë, ai rrethohet nga një magnetizëm i pamohueshëm. Është ndër peshkaqenët më të mëdhenj grabitqarë të globit, që shkon deri në 5,5 metra gjatësi, dhe një ndër më të vështirët për t`u kapur. Por më e rëndësishmja, është jetëgjatësia e tij: peshkaqenë të tillë mund të jetojnë deri në 512 vjet. Këtë përfundim, shkencëtarët e nxorrën duke analizuar ADN-në e një peshkaqeni të tillë të gjallë, të nxjerrë nga thellësitë e ujrave të akullta pranë Groenlandës, por teorikisht, mendohet se më të mëdhenjtë e këtij lloji mund të jenë edhe 6 shekuj të vjetër. Kjo i bën këta lloj peshkaqenësh vertebrorët më jetëgjatë të planetit. Fokat janë menuja kryesore e tyre peshkaqenëve, por nuk mungojnë rastet kur ushqehen edhe me mbetjet e kafshëve të tjera detare të ngordhura.