Katër persona kanë humbur jetën dhe dhjetëra të tjerë janë lënduar pasi një barkë u gjend në telashe pranë brigjeve të San Diegos, në një operacion të dyshuar trafikimi. Barka 12 metra e gjatë, ishte tej mbushur dhe pësoi avari pranë një barriere koralore afër Point Loma-s, duke hedhur rreth 30 persona në det. Një operacion i madh shpëtimi nisi për të ndihmuar të lënduarit në breg dhe për të nxjerrë ata që kishin mbetur në det. Zyrtarët thanë se kapiteni i barkës ishte arrestuar nën dyshimin për trafikim njerëzish. Zyrtarët thanë se provat tregonin se barka ishte një mjet trafikimi që përdorej për të futur ilegalisht emigrantë në SHBA. Ata nuk konfirmuan shtetësinë e personave të lënduar dhe viktimave, por agjentët po punojnë për zbardhjen e rastit. Doganat dhe mbrojtja kufitare në shba njoftoi pak ditë më parë se do të intesifikonte kontrollet gjatë vijës bregdetare gjatë fundjavës në përpjekje për të ndaluar dhe zbrapsur trafikantët. Agjentët arrestuan 21 persona, 15 burra dhe gjashtë gra, që u gjetën në një barkë të vogël pranë san diegos, të enjten. Ata ishin shtetas meksikanë ndërsa dy trafikantë të dyshuar përballen tani me akuza federale.