Zona të gjera në kroaci dhe Bosnje janë zhytur nën ujë pasi shiu i rrëmbyer bëri që lumenjtë të dilnin nga shtrati. Reshjet e shiut që nuk janë ndalur ditët e fundit kanë bërë që lumenjtë të tejfryhen dhe të përmbytin gjithcka u ka dalë përparë, përfshirë shtëpitë, rrugët dhe ndërtesat, në disa qytete në kroaci. Në Obrovc, të kroacisë, mësimi në shkolla është ndalur pasi një pjesë e tyre janë përmbytur. Shumë shtëpi e biznese kanë mbetur pa energji elektrike dhe qendra e qytetit është zhytur nën ujë. Në Graçac, dhjetëra persona janë evakuuar nga shtëpitë e tyre ndërsa shumë të tjerë janë zhvendosur në katet më të larta të ndërtesave. Qeveria kroate ka nxjerrë në rrugë edhe ushtrinë për të ndihmuar njerëzit. Vec kroacisë dhe bosnjes edhe italia është në alarm të kuq. Moti i keq ka goditur vendin nga veriu deri në jug dhe meteorologët thonë se situata do të mbetet e tensionuar deri në fund të javës.