Është identifikuar dhe shpallur në kërkim, autori i përdhunimit të një 50 vjeçareje shqiptare në lagjien Petralona të athinës. Sipas policisë, autor i dyshuar është një 35 vjeçar me origjinë bullgare. Ai ishte banor në pallatin në të cilin ishte punësuar për pastim 50 vjeçarja, me inicialet F.J. Sipas dëshmisë së viktimës, duket se autori e priste që ajo të fillonte punën për pastrimin e pallatit dhe sapo ajo është afruar pranë portës së banesës për te larë dyshemenë, me një lëvizje,autori e tërhoqi brenda banesës dhe duke e goditur me grushta e la atë në gjendje të fikti. Në vazhdim e përdhunoi për të paktën 7 herë gjatë 9 orëve që e mbajti të lidhur në banesën e tij. 50 vjecarja mundi të gjejë një moment dhe të lirohet,duke dalë në ballkonin e pallatit dhe kërkoi ndihmë. Autori menjëherë është larguar nga banesa, ndërsa policia që ka mbërritur me vonesë në zonë,nuk mundi ta gjejë autorin. Autoritet policore thanë se autori i dyshuar është një person me precendetë aktesh dhune brenda familjes dhe se po e kërkojnë për ta gjetur në zonat e qendrës së athinës. Viktima u dërgua në spital dhe pasi mori ndihmën e parë, u dërgua në banesën e saj. Ngjarja ka shokuar oponion vendas për egërsinë dhe dhunën e përdorur prej autorit.