Kur duhen edhe 7 ditë nga skadimi i afatit për regjistrim në zgjedhje, Partia Demokratike ka mbledhur firmat e nevojshme për t’u rikthyer në Kuvend e për të garuar në zgjedhjet parlamentare të 25 prillit. Kur ka kaluar më shumë se një vit nga koha kur opozita dogji mandatet, kryetari i partisë Lulzim Basha ka firmosur shkresën dërguar Komisionit Qendror të Zgjedhjeve për t’u regjistruar në zgjedhjet e 25 Prillit. Ajo që bie në sy është fakti që PD dhe LSI duket se kanë vendosur që të garojnë me lista të ndara në zgjedhje. Pas Partisë Demokratike, kërkesën për të marrë pjesë në zgjedhje e kanë dorëzuar edhe: PR, LZHK, Aleanca Demokristiane, PAA, Partia Bashkimi Demokrat, Lëvizja e Re (LRE), PKD dhe Partia Aleanca Demokracia e Re.