Partia Demokratike vijon të jetë e ndarë, teksa pas propozimeve të dorëzuara nga Flamur Noka për anëtarët e KZAZ-ve për zgjedhjet lokale të 14 majit, një vendim të njëjtë ka marrë edhe Gazment Bardhi. Ky i fundit në pozicionin e Sekretarit të Përgjithshëm të Partisë Demokratike, edhe pse i shkarkuar nga Berisha, ka dorëzuar emrat që përfaqësojnë PD-në e drejtuar nga Enkelejd Alibeaj, për anëtar të KZAZ-ve. Por teksa Berisha është i vendosur që në bazë edhe të vendimit të 25 marsit 2022 të gjyqtarit Agron Zhukri, përfaqëson Partinë Demokratike, nga ana tjetër, kjo nuk pranohet nga Enkelejd Alibeaj, në pozicionin e kreut të grupit parlamentar dhe kryetarit të komanduar dhe Gazment Bardhi, si Sekretar i Përgjithshëm.