Tashmë kur sezoni turistik sapo ka nisur, Durrësi një nga destinacionet kryesore në vend, rrezikon të përjetojë të njëjtën situatë të rënduar mjedisore për shkak të mbetjeve, ashtu si një vit më parë. Kjo për faktin se Porto Romano, ku dikur depozitoheshin mbetjet urbane të qytetit të Durrësit dhe ishte kthyer në një minë me sahat për nga rrezikshmëria që paraqeste, është mbyllur dhe gradualisht po kthehet në një Eco Park. Ministri i Turizmit dhe Mjedisit Blendi Klosi i ftuar në studion e emisionit Breaking ne Top News, i pyetur rreth kësaj çështjeje tha se zgjidhja e vetme është trajtimi i mbetjeve të Durrësit në landfillin e Sharrës dhe më pas në inceneratorin që po ndërtohet.