Greqia ka raportuar një rritje të infektimeve ditore me koronavirus pas shumë javësh shifrash në rënie që bënë që autoritetet të hiqnin pjesën më të madhe të kufizimeve anti covid në vend. Autoritetet e shëndetit publik, raportuan të martën 1797 raste të reja ditore, dy herë më shumë se 801 rastet e raportuara të hënën. Greqia, e varur shumë tek turizmi, hoqi pjesën më të madhe të kufizimeve për udhëtimin dhe argëtimin si edhe rregullat për mbajtjen e maskës në ambjente të hapura pasi rastet nisën të binin. Por ekspertët e shëndetësisë, kanë shprehur shqetësim për koronavirusin dhe variantin më infektues delta, pasi infektimet nisën të rriteshin sërish ditët e fundit. 38 për qind e popullatës në greqi është vaksinuar deri më tani dhe qeveria ka ofruar stimuj për të inkurajuar akoma më shumë njerëz për tu imunizuar pasi dëshiron që në vjeshtë, shifra të tjerë 70 për qind. Një izolim që nga nëntori i kushtoi miliarda euro ekonomisë greke, që po del nga një krizë disa dekada e gjatë. Qeveria ka thënë se nuk do ta mbyllë ekonominë sërish për shkak të pandemisë, nëse do të jetë fjala për të mbrojtur vetëm një pakicë të pavaksinuar.