Akitivistë anti qeveritarë në bjellorusi kanë marrë përsipër përgjegjësinë për atë që ata thonë se ishte një sulm me dronë mbi një avion mbikqyrjeje të ushtrisë ruse, A-50, në një pistë afër kryeqytetit bjellorus, minsk. “Ishte një sulm me dronë. Pjesëmarrësit në operacionë janë bjellorusë”, tha Aliaksandr Azarov, lider i organizatës anti qeveritare BYPOL. “Autorët janë të sigurt, jashtë vendit”, shtoi ai. Agjencia e lajmeve Reuters thotë se nuk ka qenë në gjendje të verifikojë në mënyrë të pavarur sulmin. Nuk ka patur një konfirmim zyrtar nga rusia apo bjellorusia dhe nuk ka patur asnjë përgjigje nga ministritë respektive të mbrojtjes. BYPOL, që përfshin ish oficerë të ruajtjes së rendit, që mbështesin opozitën bjelloruse, është shpallur nga Minsku një organizatë terroriste. Franak Viacorka, një këshilltar i lideres së opozitës bjelloruse, Sviatlana Tsikhanouskaya tha në një postim në tëitter se ky ishte akti më i suksesshëm i sabotazhit që nga fillimi i luftës. Pjesë të avionit si edhe antena e radarit u dëmtuan rëndë si pasojë e dy shpërthimeve në sulmin që ndodhi në bazën ajrore Maxhulishchy, afër Minskut. Avioni Beriev A-50, që nato e quan Mainstay, është një avion rus mbikqyrjjeje dhe ka mundësinë të gjurmojë deri në 60 shënjestra njëkohësisht. Që nga fillimi i pushtimit rus të Ukrainës, ka patur disa akte sabotazhi në Bjellorusi dhe në rajonet ruse që kufizohen me ukrainën, vecanërisht në sistemin e hekurudhave. Presidenti bjellorus, aleksander Lukashenko, është një aleat i ngushtë i Putinit që pavarësisht se nuk është përfshirë direkt në luftën në ukrainë, ka lejuar forcat ruse të përdorin territorin e vendit të tij si një pikë nisje në fillimin e pushtimit, vitin e kaluar.