Bombula gazi, pishtarë e qirinj, vatra dhe furnella portative: këto janë sendet më të kërkuara në dyqane në shumë zona të spanjës pas frikës për një black-out të mundshëm. E kjo duket se është një valë paniku e lindur në rrjetet soiale, pas një fushate të qeverisë dhe forcave të armatosura austriake, në të cilën paralajmërohej mundësia reale që të ketë ndërprerje të energjisë elektrike dhe ku ofrohen këshilla për popullatën se si duhet të përgatitet përballë një mundësie të tillë. Pavarësisht garancive të dhëna nga autoritetet spanjolle dhe përgjegjësit e rrjeteve elektrike, frika vazhdon të përhapet. Në fakt, është ndezur edhe një cmenduri e vërtetë për të blerë produkte që do të mundësonin përballimin e mungesës së energjisë. Situata kujton fillimin e pandemisë, kur u përhapën zëra të rremë se do të mungonin në treg shumë produkte, mes të cilëve edhe letra higjenike. Por sipas ekspertëve, është shumë e pamundur që të ndodhë një blackout me përmasa të mëdha në vend, falë edhe varësisë së vogël energjitike të tij dhe diversifikimit të madh të burimeve të energjisë ku spanja mund të mbështetet krahasuar me vendet e tjera të evropës. Nuk ka asnjë të dhënë objektive që të të cojë të mendosh se do të ndodhë një event me këto karakteristika në vendin tonë – thuhet në një deklaratë të rrjetit elektrik spanjoll, grupit që menaxhon sistemin energjitik në vend.